Indonisiap ilaani qeqertani Molukkerini nuna sajorujussuarmat qarsutsinersuaqarnissaa ullaaq manna innuttaasunut ilimasaarutigineqaraluarpoq oqaatigineqarporli navianartorsiortoqarunnaartoq.
Taavani nunap sajunnera richterip uuttuutaa naapertussagaanni 6,6 – mik sajussimavoq.
Nunalli sajunnera taanna maanna pisoq ukiut marluk matuma siorna juullip nalaani qarsutsinersuaqarmat inuit 160.000-t ajunaarnerannik kinguneqartumut sanilliullugu sakkukinnerusimasoq oqaatigineqarpoq.
- Inuit qarsutsinersuaqarnissaanik ilimasaarneqaramik tupattorujussuupput, najukkaminniillu qimarrapput, taama oqaaseqartitaq oqaluttuarpoq.
Nunap sajunnerata kingunerisaanik aserukkat inuillu eqqorneqartut suli nalunaarsorneqarsimanngillat.