Indonesiami tassaarnersuaq arlallit toqqutigaat
Indonesiap kippasissortaani immap naqqani nuna sajorujussuarmat tassaarnersuaqarpoq, inuit ikinnerpaamik 108-t toqqutigisaannik.
Allattoq Louise M. Kleemann
oktobarip 26-at 2010 13:32
Nunap sajuttarneranut uuttuut naapertorlugu nuna Sumatrap kippasissuarniittoq 7,5-imik sajuppoq, qeqertat Mentawaimik taaguutillit avataanni immap naqqa sajulluni, nutaarsiassaqartitsivik Ritzau taama allaaserisaqarpoq.
Tassaarnersuaq 3 meterinik portussuseqarpoq, aseruatitseqalunilu.
Nunaqarfiit qulit piuneerutsinneqartut, Indonesiami oqartussat nalunaarutigaat, inuillu ajunaartut 108-t saniatigut inuit ikinnerpaamik 500-t maqaasineqarlutik.
Mentawai takornarianit nuannarineqaqaaq, pingaartumik immap qaavatigut saarlisaartartunit ornigarneqarluartarluni.
