Indonesiami nunap sajunnerani tassaarsuaqarneranilu inuit 1234-t ajunaartut
Indonesiami qeqertat annerit ilaani Sulawesimi nuna piffissap sivikitsuinnaap iluani marloriarluni sajuppoq, ilaatigullu tassaarsuaqarluni. Nuna sapaatip-akunnerata siuliani sajorujussuarmat tassaarsuaqarpoq, inuillu ikinnerpaamik 1234-t ajunaarsimasutut maanna nalunaarutigineqarlutik.
Allattoq Ritzau
oktobarip 03-at 2018 10:26
Nutserisoq Mads Lynge
Indonesiami oqartussat taama nalunaaruteqarput.
Annaassiniartartut nunap immikkoortuinut assigiinngitsunut anngunnerminni ajunaarsimasunik nassaartuarsinnarput.
Pissutsit Sulawesimi innuttaasunut kipiluttunarsiartuinnarput. Sulawesimi mittarfiit arlallit nunap sajunnerani aseruatitingaatsiarput, tamannalu pissutaalluni ikiorsiiniarneq ajornakusoornerulerluni.
Sulawesimi pingaartumik nerisassanik ikummatissamillu amigaateqartoq, nutaarsiassaqartitsiviup AFP tamanna allaaseraa.
Innuttaasut nerisassanik pisiniarfinni tillinniartalersimasut, atorfilittat ilaata nutaarsiassaqartitsivimmut AP-mut oqaatigaa.
/ritzau/
