Indonesiami ajunaarnersuaqarnerani inuit 2000-it tungaannut ajunaartut
Kisitsisit pisortatigoortut upalungaarsimanermut suliaqartut saqqummiuppaat.
Septembarip naanerani ajunaarnersuaqarnerani inuit 5000-it sinnerlugit maqaasineqarput, ajunaarsimasullu amerlanerunissaat ernumassutigineqarpoq.
Qeqqatami Sulawesimi pinngortitami septembarip ulluisa 28-anni ajunaarnersuaqarpoq.
Nuna sajorujussuareersorlu tassaarsuaqarpoq. Inunnillu maqaasineqartunik ulluni tuliuttuni pingasuni ujaasisoqassaaq, kingornalu ujaasineq unitsinneqassalluni.
Illoqarfinni Palumi, Balaroami Petobomilu ajunaarsimasut amerlanerpaapput tassani angerlarsimaffiit 3000-it tassaarsuaqarneranit aseruatiterneqarsimapput.
Nunaqarfinni piuneerussimasuni ajunaarsimasut ilineqarnissaat anguniarlugu upperisarsiortut ilaqutariillu eqqugaasimasut akuersiteqqaarneqassasut Sulawesimi guvernøren oqarpoq.
Inuit 70.000-it angerlarsimaffimminnit qimagussorneqarsimasut, naalakkersuisut aamma nalunaarutigaat.
Naalagaaffiit Peqatigiit ikiuiniaqatigiiffiata nalunaarutigaa inuit 200.000-it ikiorneqarnissaminnik pisariaqartitsisut.
/ritzau/AFP