Indonesia sukannersumik naalakkersorneqalerpoq
Indonesiami naalakkersuisut nunamik sukannersumik naalakkersuisoqalissasoq, ullumi sapaammi aalajangerpaat.
Qaammatini pingasuni sukannersumik naalakkersuinissamik atuutilersitsineq nunap sajunnerata kingunerisaanik ajunaarnersuaqareersorlu pivoq.
Qeqertami Javami innuttaasut 4.600-t missaanniittut ippassaq nuna sajorujussuarmat ajunaarput.
Aseruatitikkat nappaqqinnissaat ukiup ataatsip ingerlanerani naammassiniarumallugit, naalakkersuisut aamma neriorsuutigaat.
Indonesiami præsidentip tullersortaa, Jusuf Kalla, oqarpoq, sukannersumik nunap ingerlanneqalernissaanik aalajangerneq pisariaqavissoq, eqqugaasut ikiorsipallattariaqarmata. Inuussutissat, nakorsaatit utaqqiisaasumillu angerlarsimaffissat (toqqit) inunnut 50.000-inut naammattut piaarnerpaamik ajunaarfimmut anngunniarneqarput.
