Indianerit høvdingiannit inuulluaqqussut
Taamaakkaluartoq høvdingi isumasioqatigiittunut sunniuteqarpoq. Tassami suliniaqatigiiffik Green Cross aqqutigalugu videumut immiullugu inuulluaqqussut nassiussimavaa, taannalu ippassaq unnukkut ataatsimeersuaqataasunut takutinneqartoq, Sermitsiaq nittartakkamini allappoq.
Høvdingip inuulluaqqussummini nunap inoqqaavisa inuuniarnikkut atugaasa maluginiarneqarnissaata pingaassusia erseqqissarpaa.
- Nunarsuarmiunut piorsarsimasunik taaneqartartunut piniarnerup pingaaruteqassusia oqaluttuarissallugu pingaaruteqaqaaq, Oren Lyons inuulluaqqussummini oqarpoq.
Indianerit høvdingiat taanna USA-mi naalagaaffimmi New Yorkimi nunap immikkoortuani indianernut inissiiviusuni peroriartorpoq, ilaatigullu nunap inoqqaavi pillugit Naalagaaffiit Peqatigiit 1982-imi suleqatigiissitaliaannik pilersitseqataasimalluni.
