Indianerit arnartai toqorarpai

Angut 56-inik ukiulik puulukinik tunisassiortartoq Canadap oqaluttuarisaanerani inoqatimik toqoraasimanerpaatut pasineqalerpoq.

Inuup sananeqaataa dna atorlugu Canadami politiit paasiniaaneranni, atortittartut ukiut arlallit ingerlaneranni tammaaneqalersarsimasut 31-it timaat, angutip 56-inik ukiullip nunaataani Vancouver-ip silatinnguaniittumi nunamut matoorunneqarsimasut paasineqarpoq. Arnat taakkua toqungasut timaat amerlanerit indianeriupput.

Toqutsisimasutut pasisaavoq Canadamiu, Robert Pickton, taannalu 2002-mi politiinit tigusarineqarpoq. Politiit inunnik tammaaneqartunik 70-it missaanniittunik ujaasitillutik, uppernarsaatinik angutip taassuma nunaataaniittunik nassaarput.

Ukiuni arlaqartuni misissuisoqareersorlu uppernarsarneqarsinnaalerpoq, puulukiutillip narsaataani arnat toqutaasimasut timaat 27-it ukiut 25-it ingerlanerini nunamut matoorunneqarsimasut.

Canadamiu, Robert Pickton, Nunamini amerlanerpaanik toqutsisarsimasutut manna paasineqalerpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat