Indiami qarsutsinersuaqarmat inuppassuit qimarngupput
Ukiuni 50-ini aatsaat taama qarsutsineqartigaaq, sialussuup Nepalimi sapusiaq qarsutsisimmagu, kuussullu aqqummini Biharimi piitsoqarfik sinerminik qarsutsiffigingaatsiarpaa.
Maannamut inuit to millionit najukkatik qimallugit qimarngupput illullu millionit kuartii aseruatiterneqarsimasut nutaarsiassaqartitsiviit nalunaarutigaat.
Piitsoqarfimmi Biharimi inuit maannamut 55-it ajunaarsimasut pisortanit aamma nalunaarutigineqarput, najugaqavissulli ajunaartut amerlanerujussuussangatippaat.
Nunaqarfinni qasutsiffiusuni qimaasinnaajunnaaqqasut suna tamarmi toqusorsunninnerarpaat, Naalagaaffiillu Peqatigiit imeq aqqutigalugu nappaatit siaruaassornissaat mianersoqqutigilerpaa.
TV-mi nutaarsiassatigut taneqarsinnaavoq, Indiami illut igalaavisigut, aqqusinertigut allaammi nunaqarfiit aqqusaalutoriinnarlugit kuussuup kuunnera.