Indiami peqqarniisaarniat tamangajammik ajugaaffigineqarsimapput
Indiami illoqarfimmi Mumbaiimi akunnittarfimmik Oberoimik peqqarniisaarniat ippassaani tiguaagaluartut, sallunaveeqqutitullu tigusaqaraluartut sakkutuunit ajugaaffigineqarsimapput. Akunnittarfimmili allami, Taj Mahalimi juutillu naapittarfianni suli akersuuttoqartarpoq.
Allattoq Louise M. Kleemann
novembarip 28-at 2008 12:18
Akunnittarfiup, Taj Mahalip silataani peqqarniisaarniat toqungasut ikilerneqarsimasullu maaniinnarmiipput, sulilu akunnittarfiup iluani akersuuttoqartarluni. Juutit naapittarfianni aamma suli palasi tigummineqarpoq, sakkortuumillu akersuuttoqartarluni. Akunnittarfimmi Oberoi-imi innisimasut sulisullu 93-it iperagaatinneqareerput, inuilli 24-it toqutaapput. Mumbai-imi politiit pisortaat nalunaarpoq, peqqarniisaarniat aqqaneq marluk Indiap avannarpasinnerusortaaneersuusut, minnerpaamillu ataaseq pakistanimiuusoq. Peqqarniisaarniat nassataat naapertorlugit perulluliorneq nunanit assigiinngitsuniit aaqqissorneqarsimavoq.
Mumbaiimi peqqarniissaarniat perulluliorneranni inuit minnerpaamik 130-it toqutaapput.
