Indiami millionilippassuit angerlasimaffimminniit qimarrapput

Nunaannarmi illoqarfimmiut ilaat illumik qaliaanni ulluni arlalinni inuusariaqarsimapput, allat ilungersorlutik uumaniarlutik naasunik piluttanillu nerisaqartariaqarsimallutik. Indiap kangisissuani nunap ilaani piitsooqisumi Bihar-imi qarsutsinerit, oqartussaasut naapertorlugit, ukiut 50-it ingerlanerini aatsaat taama sakkortutigipput, innuttaasullu ikinnerpaamik 3 millionit angerlarsimaffitik qimattariaqarsimavaat, illullu millionit kuartii aserortitersimapput.

Ikinnerpaamik 90-it ajunaarsimasut maannamut nalunaarutigineqarpoq, isummanilli siaruarteriniat tusagassiorfiillu oqarput, kuussuup Kosi-p Nepalimi sapussuaq aqqusaalutorereeraalu, Biharimilu nunaannarmi illoqarfiit untritilippassuit qarsutsivigalugit, nunaatillu naggorissakkat 100.000 hektarimik annertussusillit aseruatiterlugit, ajunaartut tagginneqartunit amerlanerujussuusut.

Oqartussaasut ajunaarnersuaqarnissaanut upalungaarsimasimannginnerarlugit ikiuiniaqatigiiffinnit uparuartorneqarput, kiattullu sialussua ukiut tamaasa atuukkaangat eqqugaasartut annaassiniarfiginissaat aamma eqqarsaatigineqarsimannginnerarpaat. Kuussuit erngi illuni igalaakkut ilummut isaasut nunaannarmi illoqarfeeqqanik, aqqusinernik qimuttuitsullu aqqutaannik qarsutsisut TV-qarfinnit takutinneqaqattaarput.