WHO: Indiami illoqarfissuit mingutsitsinerpaaffiusut
Nunarsuarmi silaannaap allanngoriartornera pillugu Naalagaaffiit Peqatigiit peqqinnissaq pillugu suleqatigiiffiata WHO-p kisitsisaataasa takutippaat India mingutsitsinerpaasoq, nunarsuarmimi illoqarfissuit mingutsitsinerpaat 20-t akornanni qulit tamaani inissisimammata.
Indiami illoqarfiit pingaarnersaat New Delhi nunarsuarmi illoqarfiit mingutsitsinerpaaffiusut allattorsimaffianni normu 6-itut inissisimavoq.
Tamaani meeqqat pingajorarterutaasa puaat nunarsuarmi meeqqaanut allanut naleqqiullugit ajornerupput, anersaartornerallu ajortoqarluni.
- Indiami silaannaap mingutsinneqarnera naalagaaffimmut ajornartorsiutaalersimavoq, Anumita Chowdhury, New Delhimi isummersuisineersoq oqarpoq.
Indiali kisimi ajornartorsiutaanngilaq. Inuimmi quliugaangata qulingiluat nunarsuaq ataatsimut isigalugu silaannarmik mingutsinneqarsimasumik najuussuisarput. WHO taama oqarpoq.
Inuit ukiumut 7 millionit silaannaap mingutsinneqarneranit toqquteqartartut WHO-p oqaatigaa.
/ritzau/AP