- Taamaattoqarnera ilungersunartorujussuuvoq, nakorsaq Kirit Gadhvi, nakorsat peqatigiiffianni siulittaasoq oqarpoq.Assi: Punit Paranjpe/AFP/Ritzau Scanpix

Indiami coronavirusimik tunillanneqarsimasutut siumukkat aatsaat taama amerlatigisut

Indiami napparsimmaviit covid-19-mik tunillanneqarsimasunut iltilivinnik amigaateqarmata, tamaani peqinnissaqarfik angummassinnaajunnaalerpoq.

Coronavirusimik tunillanneqarsimasut ullup unnuallu ingerlaneranni aatsaat taama amerlatigisut, Indiami ullumi sisamanngornermi nalunaarsorneqarput.

Tamaanimi covid-19-imik tunillanneqarsimasutut nalunaarsukkat 315.000-it missaanniittut, nutaarsiassaqartitsivik Ritzau allappoq.

Indiami peqqinnissaqarfik suliassarpassuaqaleriartormat ernumaneq aamma annertusiartorpoq. Indiammi avannarpasissortaani kippasissortaanilu illoqarfiillu pingaarnersaanni New Delhimi napparsimmaviit covid-19-imik tunillanneqarsimasunut iltilivinnik amikkisaarput.

Napparsimmaviit pingasuugaangata marluk siniffissaalatsisut Indiami naalakkersuisut nittartakkakkut paasissutissaataanni erserpoq. Nakorsiallu nakorsanit aamma angerlarsimaannaqqusaapput.

AAMMA ATUARUK Nunarsuarmi inuit coronavirusimik tunillanneqarsimasut 32 millionit sinnersimagaat

- Taamaattoqarnera ilungersunartorujussuuvoq, Indiap kippasissuani illoqarfimmi Ahmedabadimi nakorsat peqatigiiffiata siulittaasua Kirit Gadhvi oqarpoq.

Tunillanneqarsimasuni 22-nit ikinnerunngitsut iltikilliorlutik toqusimasut, BBC ilisimatitsivoq. Illoqarfimmi Nashikimi pingasunngormat minutsini 30-ni ajortoortoqarnerani iltissaalatsileruttornermi toqusimapput.

Illoqarfimmi inoqqortuumi Uttar Pradeshimi inuit ilitiisivilisarlutik napparsimmavinni siuleriiaartut, Indiami TV-qarfiup tusagassiarai.

Kuussuarmi Gangesimi nalunnguarluni Kumbh Mela-mik taallugu festivalertoqarnerani tuniluunnerujussuaqarsimassasorineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat