Amphanimi anorersuup sakkortussusia tiimimut 185 kilometerisut sakkortussuseqartoq uuttortarneqarpoq.

Indiami Bangladeshimilu anorersuarujussuarnerani inuit 84-it ajunaartut

Indiami Bangladeshimilu anorersuarmi kaavittuliortoqarnerani inuit ikinnerpaamik 84-it ajunaarput. Illoqarfimmi Kolkatami inuit 15-it ajunaarlutik.

Innaallagissat aqqutaat nakkakaanerini orpiillu uppikaanerini inuit ajunaartiterput.

Anorersuaq kaavittuliortoq sakkortunerpaaq illoqarfinni taakkuninnga ukiorpaalunni ajornartorsiutaasarpoq.

Illoqarfimmi aseruatiteriffioqisumik annaassiniartartut sapinngisamik inuit annaanniarlugit sullipput, anorersuarujussuarnerani aamma illoqarfimmi qarsutsineqarpoq. Illoqarfik qanoq annertutigisumik aseruatitersimatiginersoq suli paasineqanngilaq.

- Anorersuarmi kaavittuliortumik taama sakkortutigisumik inuuninni takunikuunngilanga. Allaanngilaq nunarsuaq aserulersoq, 49-nik ukiulik Bangladeshimi najugalik, Azgar Ali oqarpoq.

Illoqarfimmi Vestbengalenimi anorersuaq kaavittuliortoq sakkortussusaa uuttortarneqarmat tiimimut 185 kilometerisut sakkortussuseqarpoq.

Politiit oqaaseqartartuata oqarnera naapertorlugu innuttaasut qimagussorniarneqarnerminni Covid-19-imik tunillatsinnissaminnik ernumalutik qimagussorneqarusussimanngikkaluarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat