Europamiut ukiaq ukiorlu kiassioruttortut Indiami sila allaalluinnarpoq. Tassa Indiami nunap immikkoortuini arlalinni manna issittorsuuvoq, inuppaalussuit inuunerinik naleqartumik.
Sapaatip akunnerata kingulliup ingerlanerani ikinnerpaamik 80-it qiusimasut, nutaarsiassaqartitsiviit tusarliussipput.
Indiami nunap immikkoortui inoqarnerpaatut aamma ilisimaneqartut Uttar Pradesh aamma Bihar issinnerpaapput, tassanilu inuit maannamut 35-t qiusimasut nassaarineqarsimapput.
Indiami issimik eqqugaasuni piitsoqaqisunilu atuarfiit kiassarneqanngitsut matooqqarneqarput inuppassuillu iluamik oqqiffissaqanngitsut tusarliunneqarpoq.
Indiap eqqarliani Bangladeshimi aamma issittorsuuvoq, tassanilu qiusut maannamut 56-iusut nutaarsiassaqartitsivik Ritzau tusarliussivoq.