Inatsit nutarterlugu naammassineqartoq
Sullivinni avatangiisit pillugit inatsit nutarterlugu naammassineqarpoq. Inatsisit nutaat ilagaat suliffeqarfinni qulinik taakkunanngaluunniit amerlanernik sulisulinni suliffinni nalilersuisarnerit atortuulersinneqarnissaat. Sullivimmik nalilersuineq arlalinnik pitsaaquteqartoq misilittakkat takutippaat. Pitsaaqutit ilagisarpaat, sulisut napparsimasarnerisa appartinneqarnerat, suleqatigiit sullivimmi iluarusunnerulernerat kiisalu ajutoortarnerit pinaveersaartinneqartarnerat. Sullivimmik Nalilersuineq 2008-mi aatsaat atortuulersinneqassagaluartoq pillorissaasoq fysioterapeut Kaalat Møller avatangiisit pillugit siunnersuisarfimmi ERGON-meersoq isumaqarpoq, maannangaaq piareersarnissaq piffissanngortoq.”Suliffeqarfiit pipallannatik eqqissillutik suliffigissaasut pitsaanerusumik angusaqarluarsinnaapput, suliassat tulleriaarlugit suliarigaanni akikinnerusammat angumersiniaanermit” Kaalat Møller oqarpoq.
