Inatsit nutaaq

Kalaallit Nunaanni attaveqaatikkut avammut ammalerunersitsinissamut alloriarneq siulleq Inatsisartut ullumi ataatsimiilerunik siullermeerlugu oqallisigissavaat.

Qarasaasiaqarnikkut siuariartorneq ilutigalugu, inatsit tunngaviusoq 1993-imeersoq naleqqukkunnaarsimavoq.

Nutaamik inatsisiliornikkut attaveqaatikkut avammut ammaassisoqarpat, Kalaallit Nunaanniit avammut attaveqarniarneq periarfissaqarluarnerulissaaq, soorlu internetikkut avammut tuniniaaneq pisinnaalissalluni.

Tamanna TELE Greenlandip mianersoqqussutigaa. Naalakkersuisut assigiimmik pisussaaffeqarnissamik isummiussaannut ajoqusiissaaq, Nuummimi atuisut Kalaallit Nunaanni tamarmi pitsaasumik ingerlasoqarnissaanut akileeqataasarput. Tusarniaanermi TELE-p akissutaani tamanna erserpoq.

Internetikkut atuineq akitsortussaassasoq TELE-p nalilerpaa. Akit taama qaffassappata internetikkut

atuinerup annikillinissaa TELE-mit aamma ernummatigineqarpoq. Siunnersuut Inatsisartut ukiaru ataatsimiilerunik aappassaaneerlugulu pingajussaaniissavaat.