Assi: Pele Broberg

Inatsit nukingisaarutaasoq amerlanerussuteqartut akueraat

Siumut, Inuit Ataqatigiit, Nunatta Qitornaasalu inatsit nukingisaarutaasoq oqartussanut coronavirusimut tunngatillugu suliaqarnermut sakkussaqartitsinerulertussaq aappassaaneerneqareersoq akueraat.

Inatsisartuni Siumut, Inuit Ataqatigiit, Nunattalu Qitornai inatsit nukingisaarutaasoq coronavirusip tuniluunnissaanut pinaveersaartitsisussaq akunnerit arfinillit isumaqatigiinniutigereerlugu akueraat.

Inatsilli nukingisaarutaasoq Inatsisartuni inaarutaasumik akuerineqarnissaanut pingajussaaneerneqaqqaassaaq. Tamanna piffissap sivikitsup ingerlanerani pinissaa naatsorsuutigineqarpoq.

Demokraatit, Partii Naleraq, Suleqatigiissitsisut Atassullu inatsimmut nukingisaarutaasumut taasinngillat. Taakku napparsimasut pinngitsaaliissummik katsorsarneqartalernissaat Naalakkersuisullu pisariaqarsorigunikku angerlarsimaffinnut isersinnaalernissaat ernumassutigaat.

Paragraf amerlanerussuteqarfigineqartoq

Paragraf 6 imm. 2-p ilaatinneqannginnissaa demokraatit aamma aalajangiusimavaat.

Paragrafip politiit angerlarsimaffinnut eqqartuussiviup akuersissuteqannginneratigut isersinnaatissimagaluarpai, Naalakkersuisulli tamanna periarfissaanngitsoq erseqqissarpaat.

Naak Naalakkersuisut tamatumanik erseqqissaagaluartut paragraf taanna ilaatinneqanngilaq.

- Oqartussat angerlarsimaffinnut innuttaasunik nakkutiginninniarlutik isersinnaarusukkaluartut eqqartuussivimmit akuersissuteqarfigineqaqqaartariaqarput, Demokraatinit, Steen Lynge oqarpoq

Inuit Ataqatigiit paragraf oqallisigineqartoq ernumassutiginerarnikuuaat, partiilli paragraf taanna maanna isumaqatigiiffigaa.

- Ajornartorsiutaasoq aaqqinneqarpasippoq, pissutigalugu angerlarsimaffinnut isersinnaanissamut eqqartuussivimmit akuersissuteqartoqaqqaarnissaa erseqqissaatigineqarmat, Inuit Ataqatigiit siulittaasuat, Muté Bourup Egede oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat