Inatsit allanngorteqqitttussanngorpaat

Inatsit inissianik attartortut inigisamik piginnittunngorsinnaanerannut tunngasoq Inatsisartut allanngorteqqittussanngorpaat. Inatsit allanngortinneqartariaqalerpoq atorfilittanit politikerinillu atornerlunneqarmat, taama oqarpoq Sermitsiami aaqqissuisuuneq Poul Krarup.
oktobarip 22-at 2007 10:48

Inatsit ajunngilluinnartoq maanna allanngortittariaqalerpoq, pisortanit politikerinillu atornerlunneqarmat. Inatsisip siunertarinngisaannarnikuuaa pisortat politikerilluunniit illut najugaqarfigisaat kusanarluinnartut, pisiarisinnaalissagaat.

Tamannali aningaasaqarneq pillugu ataatsimiititaliami oqallinnermi 2004-mi pisumi saqqummiunneqarpoq. Tassani assortuussutaavoq, inatsit atornerlunneqannginnersoq.

Inatsisartut ilisimaarilluinnarpaat inatsit sumut atorneqassanersoq, sumilu atorneqassannginnersoq, Poul Krarup oqarpoq.

Inuit inissiani aserfallassimasuni najugallit inigisartik akikinaarlugu pisiarisinnaalersinnaassagaat inatsisip siunertaraa. Illuutit attartortitat imaluunniit inissiat, Poul Krarup oqarpoq.

Pisulli imaapput, pisortat inigisatik aserfallassimanerarlugit Namminersornerullutik Oqartussanit akikinaarlugit pisiaraat.

Inatsimmi ersarissumik allassimavoq pisortat atorfillillu inigisatik pisiarisinnaanngikkaat, taamaammat inatsimmik unioqqutitsineruvoq, Poul Krarup oqarpoq.

Attartortuniit piginnittunngornermut inatsisip allannguutissatut naalakkersuisut siunnersuutertik inatsisartut ukiaanerani ataatsimiinneranni uani saqqummiutissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq