Inatsisitigut ikiuisarfik Nunafondenimit tapiiffigineqartoq
Inatsisitigummi siunnersuisarfiup qarasaasiatigut atortorissaarutaata nutarsarneqarnissaannut Nunafonden 25.000 koruuninik tapiissuteqaqqammerpoq. Aamma quppersagaliornissamut allaffissornermullu aningaasanik tapiiffigineqarpoq.
Inatsisitigut siunnersuisarfiup allattoqarfiani pisortap Sofia Rossenip tamanna nuannaarutigaa:
- IT-mut atortutta piorsarneqarneranni suliassat oqinnerulissapput, taamaalillunilu sulianit tigusisarnerit kisitsisitigullu paasissutissat suliariumarnerulissallutik, allattoqarfimmi pisortaq taama oqarpoq.
AAMMA ATUARUK Amerlanerusut inatsisitigut ikiorneqarsinnaaneq ujartorpaat
Qarasaasiat programmitaasa nutaajunernik taarserneqarnissaat Sofia Rossenip aamma nuannaarutigaa.
Minnerunngitsumillu quppersagaliornikkut IKIU-mit ikiorneqarsinnaanerup innuttaasunit tamanit ilisimasaqarfiginerulernissaa nuannaarutigaa.
- Tamanna immikkut pingaartitaraarput, Sofia Rossen oqarpoq.
