Inatsisitigut ataataqanngitsut pillugit suliaq Sarap akuleruffigaa

Inuit Ataqatigiit folketingemi ilaasortaatitaasa, Sara Olsvigip Folketingip Kalaallit Nunaat pillugu ataatsimiititaliaa aqqutigalugu Isumaginninnermut ministerimut, Karen Hækkerupimut, naalakkersuisooqatigiiusimasut VKO-kkut inatsisitigut suliaqarneq aallartissimasaat, naalakkersuisunngortunit nanginneqarnissaa neriuutigalugu pingasunik apeqquteqarpoq.

Ukiup naannginnerani inatsisissatut siunnersuut Naalakkersuisuusimasut neriorsuutigisimasaattut saqqummiunneqarnissaat, Naalakkersuisunngortunit qaqugu saqqummiunneqarniarnersoq ministerimut akeqquaa. Inatsisissatut siunnersuut aqqutigalugu inatsisitigut ataataqanngitsut assigiimmik pineqarnissaat anguneqartussaavoq taamaalillutik taakku ataataminnik ataataanerullu uppernarsarneqarnissaanut, ilaatigut aqqit pillugit apeqqutit kiisalu ataataasumut kingornussisussaatitaanermut atatillugu ikiorserneqarsinnaaniassammata.

Kalaallit Nunaanni inatsisitigut ataataqanngitsut naalagaaffik ikiorsiullugu qaqugu qanoq iliorluni inatsisitigut ataataminnik ujaasisinnaanngussanersut kiisalu tassunga atatillugu naalagaaffik qanoq ikiuunniarnersoq Sara Olsvigip ilanngullugu paaserusuppaa.

Danmarkimi naalakkersuisunngortut aaqqissuussinerannut atatillugu, Ilaqutariinnermut tunngassuteqartunut inatsisiliorneq, Inatsisinik atortitsinermut ministereqarfimmiit Isumaginninnermut ministereqarfimmut nuunneqarsimavoq, taamaattumillu Isumaginninnermut ministerinngortumut, Karen Hækkerupimut Sara Olsvig apeqquteqarluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat