Inatsisitigut ataataqanngitsut Folketingimi ataatsimiititaliamit taperserneqarput

Inatsisitigut ataataqanngitsut pillugit suliami nuannersumik tusagassaqarpoq. Folketingip Nunarput pillugu ataatsimiititaliaata isumaliutissiissutissaa ullumi isumaqatigiissutigineqarput. Tamannalu nuannaalersitsivoq.

- Ataatsimiititaliaq isumaqatigiittoq isumaliutissiissummik naammassinnimmat nuannarutigisorujussuuara. Taava isumasliutissiissut naammasseriarmat inatsisisap naammassinissaanut alloriaqqissinnaavugut, massakkullu ilisimalerparput, inatsit una aasartinnagu naammassissasoq, inatsisitigullu ataataqanngitsut taamaalillutik ataatassarsiorlutik aallartissinnaassallutik, IA sinenrlugu Folketingimi ilaasortaq Sara Olsvig oqarpoq.  

Isumaliutissiissummi naammassineqartumi Danskit kalaallillu naalakkersuisui ilaatigut kaammattorneqarput, oqaluttuarisaanermi pisimasunik 2011-mi qulaajaanermut uiggiullugu maanna qulaajaassasut inatsisitigut ataataqanngitsut ullumi suli inuusut qassiunersut.
taavalu aamma inatsisitigut ataataqanngitsut siumut isigisumik iliuuseqarfigineqarnissaat pingaartinneqarput.

- Kalaallit Nunaat pillugu ataatsimiitialiami siulittaasutut pingaartitorujussuunikuuara, ataatsimiititaliaq naapitissallugu, taamaalilluta danskit naalakkersuisuinut kimeqarnerujussuarmik inassuteqarniassagatta, Sara Olsvig oqarpoq.

Tassalu suliaq manna naammassillugu oqaluuserineqareernerarlugu, minísteriunerup januaarimi oqarneraniit maannamut nikeriarnerujussuusoq, Sara Olsvig oqarpoq.

Inatsiissamullu aqqutissiissumik ataatsimiititaliaq kiisami isumaqatigiissuteqarsimammat, naammassisaq nikeriarnipilussuusoq Sara Olsvig oqarpoq.