Inatsisitigut ataataqanngitsunut tunngatillugu malittarisassat paasisaqarfigikkit
Inatsisitigut ataataqanngitsut pillugit inatsit maajip ulluisa 15-ianni atuutilersinneqarpoq. Tamatuma ilutigisaanik Kalaallit Nunaanni innuttaasut ataatassarsiuussinissamut ataatamillu kingornussinissamut malittarisassat periarfissallu nutaat pillugit sukumiisumik paasissutissiisoqarnissaanik danskit isumaginninnermut ministeriata Manu Sareenip neriorsuutigaa.
Tamannalu maanna pisoq, Folketingip Kalaallit Nunaannut tunngasunut ataatsimiititaliaanut ilisimatitsissutigaa.
Danskit isumaginninnermut ministeriaqarfiat nittartakkamini sm.dk-mi (ingerlaqqiffissaq ataaniittoq takuuk) quppernermik pilersitsisimavoq malittarisassallu nutaat tassani paasissutissiissutigineqarput. Aammattaaq danskisut kalaallisullu quppersakkamik paasissutissanillu allanik saqqummersitsivoq, taakkulu nunatsinni oqartussaasunut peqatigiiffinnullu nassiunneqarsimalerput. Ataani 'Ilanngussat' toorlugu aaneqarsinnaapput. Danskisoortai nutaarsiassap danskisoortaani aamma aaneqarsinnaapput.