Assi: Inatsisit tunngaviusussat pillugit Isumalioqatigiissitat allattoqarfiat

Inatsisit tunngaviusussat pillugit Isumalioqatigiissitaq nutaamik pisortartaartoq

Karen Kiær Jakobsenip Johan Lund Olsen allattoqarfimmi pisortatut atuuffimmi taarsissavaa.

Johan Lund Olsen, Inatsisit tunngaviusussat pillugit Isumalioqatigiissitat allattoqarfianni ukiuni pingasuni pisortaareerluni pisortatut tunualerpoq. Karen Kiær Jakobsen Johan Lund Olsen taarserlugu pisortangussaaq.

Inatsisit tunngaviusussat pillugit Isumalioqatigiissitat tusagassiutinut taama nalunaaruteqarput.

Karen Kiær Jakobsen inatsisilerituutut soraarummeernikuuvoq ukiorpaalussuanngortunilu Namminersorlutik Oqartussani sulisooreersimalluni.

Inatsisillu tunngaviusussat pillugit sulinermi misilittagaqarpoq.

Aningaasaqarnermut Naalakkersuisoqarfimmi kingullertigut sulivoq.

AAMMA ATUARUK Ineqi Kielsenip tunngaviusumik inatsisissaq pillugu isumalioqatigiissitamut siulittaasuunissaa inassutigineqartoq

Inatsisit tunngaviusut pillugit allaffeqarfimmi immikkut siunnersortitut aamma atorfeqarsimavoq, inatsisilerituutullu ilinniagaqarsimanissaq inatsisilerinermillu suliaqarlunilu misilittagaqarnissaq toqqaaniarnermi pingaartinneqarsimasoq, Inatsisit Tunngaviusussat pillugit Isumalioqatigiissitap siulittaasuata Ineqi Skourup Kielsenip oqaatigaa:

- Nunatta inatsisaanik tunngaviusunik suliaqarnitsinni Karen Kiær Jakobsen suliatigut aammalu allattoqarfimmi pisortatut siulersuilluarnissaa isumalluarfigaarput, Inatsisit tunngaviusussat pillugit Isumalioqatigiissitat siulittaasuat Ineqi Skourup Kielsen oqarpoq.

Inatsimmut tunngaviusussamut siunnersuutip aappaagu juunip ulluisa 21-anni tunniunneqarnissaa, Inatsisit Tunngaviusussat pillugit Isumalioqatigiissitap siunniunnikuuaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat