Inatsisit Qeqertarsuarmi malinnneqaliisapput
Kommunip inuussutissarsiornermut pisortaata malittarisassat pillugit umiatsiaatilinnut allagaqarsimaneranik assortuunneq tamaanga killeqassangatinnarpoq. Inuussutissarsiornermulli pisortap allagaa Kommunalbestyrelsemit isornartoqartinneqarpoq.
- Umiatsiaaraatilippassuit tamarmik allaffigineqarsimangimmata, inmuillu tallimaannaat allaffigineqarsimallutik isornartuuvoq. Taakkulu ajuallaatigisimammassuk, taamani borgmesteriugallartumit utoqqatserfigineqarput, maanna borgmesteriugallartoq, Kristian Broberg, Siumut, oqarpoq.
Kommunalbestyrelse ataasinngornermi oktoberip 22-ani ataatsimiikkami aalajangerpoq, Søfartsstyrelse-p malittarisassiai tamanit takuneqarsinnaasunngorlugit maannakkut nivinngarneqasasut. Taassuma saniatigut imarsiornermut inatsisinik tunngaveqartumik kommunimi umiatsianik attartornermut malittarisassiunissaq inuussutissarsiornermullu pisortamik piaartumik isumagfineqassaaq. Taannalu kommunimi politikerinit atorfilinnillu malinneqartassaaq.
- Isumaqarpunga, aporaassutaasut assigiinngitsunik paasinianernik imallit erseqqissumik paasineqareermata, aporaateqqisalluni pisariaaruttoq. – aporaannertut pineqasappata. Suliassavut annertoqaaq maannakkut sulisariaqalerpugut Qeqertarsuarmi borgmesteriugallartoq, Kristian Broberg, Siumut, oqarpoq.
