Inatsisit malitsinniarneqarsinnaanngillat
Tamanna piginnittut sumiginnaanerannik pissuteqarpat, peqqussutip pioreersup tassalu qimmiutillit kommunellu akiuussutissamik qimmit ukiut pingasukkaarlugit kapineqartarnissaannik isumaginnittussaanerat atortinneqarsimanngippat, itinerusumik inatsisitigut malitseqartinneqarsinnaanngitsoq Qaasuitsup borgmesteria Jess Svane oqarpoq.
Piniartoq akiuussutissanik qimmiminut isumaginnissimanngitsoq qimmeerserluni kommuneminut ikioqquppat kommene pisussaaffeqanngilaq taarsiinissamut, ilaqutariilli pilersorneqarnerat eqqugaappat kommunemiit nalilersorneqassasoq oqaatigaa.
Nunatta tusaamanerlunneqarneranut qimminik paarsinerlunneq pissutaasartunut ilaareermat kommunerujussuanngornermi assigiimmik atugassaqartitsinerup anguniarnerani, qimmit aamma pitsaanerusumik atugassaqarnissaat, peqatigiiffiit qimminut attuumassutillit kommunellu aqqutissiiutissagaat Jess Svane-p oqaatigaa.
Kiisalu uumasut nakorsaata Elisabeth Mærsk Møller-ip erseqqissarpaa akisussaaffik qimmiutilinni kommunenelu qimmilerisuni inissisimasoq.
