Inatsisit issittumi ataqqineqarnerusariaqarnerat ministerit piumasaraat

Inatsisit Nunat Tamat isumaqatigiissutaat issittumi ataqqineqarnerusariaqarnerat danskit Norgimiullu nunanut allanut ministeriisa Oslomi ataatsimiinnerminni piumasaraat.

Inatsisit inuiannut tamanut atuuttut Nunallu Tamat isumaqatigiissutaat issittumi ataqqineqarnerulernissaat anguniarneqartariaqartoq Danmarkip Norgellu sinniisuisa tapersersorniarlugu nalunaarput.

Naalagaaffiit assigiinngitsut issittumi suliariniagaat, soorlu avatangiisit, pisuussutinut apeqqutit nunallu inoqqaavinit pisariaqartinneqartut eqqaarsaatigalugit oqaluttuarisaanermut tunngassuteqarput, Norgemiut nunanut allanut ministeriat, Jonas Gahr Støre, nutaarsiassaqartitsivimmut ritzaus bureaumut ullumi oqarpoq.

Norgemiut ministeriat danskit nunanut allanut ministeriannit, Per Stig Møllerimit taperserneqarluni isumaqarpoq issittup imartaani malittarisassat inuiannullu tamanut inatsisit atuuttut malinneqarnerat nunarsuup sinneranut paasitittariaqaripput.

Per Stig Møller aamma oqarpoq Danmarkip Norgemiut, Amerikamiut, Canadamiut Russillu majip qaammataani Kalaallit Nunaannut ataatsimiigiaqqusimagai, nangillunilu, Nunani Avannarlerni Canadap Ruslandillu issittumi pisuussutinik piginnittuuniunnerat isumannartoqartinneqartoq. Russimmi qalasersuarmi immap naqqanut erfalasumik nappaapput, massa Canadamiut naalagaaffiup avannarpasinnerusortaani immap naqqani ataavartumik alapernaarsuiffiliussamaarlutillu angallatinik alapernaarsuijuartualernissartik pilersaarutigigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat