Inatsisissarpassuit ullumi akueraat
Inatsisissatut siunnersuutit makkua Inatsisartut ullumi ataatsimiinnerminni akuersissutigaat.
Højskolit pillugit Inatsisartut inasisaat.
IA, Demokraatit aamma Kattusseqatigiit Partiiat akuersillutik taasisut, Siumut Atassullu akerliullutik taasipput.
Qimmit qimuttut qitsuillu pillugit Inatsisartut inatsisaata allanngortinneqarnera pillugu Inatsisartut inatsisaat.
Inatsisartunut ilaasortat najuuttut tamarmik akuersillutik taasipput.
Qamutit motoorillit akileraarutaat pillugit Inatsisartut inatsisaata allanngortinneqarneranik Inatsisartut inatsisaat.
IA, Demokraatit aamma Kattusseqatigiit Partiiat akuersillutik taasisut, Siumut Atassullu akerliullutik taasipput.
Aningaasanik ikisilluni pinnguaatinut akileraarut pillugu Inatsisartut inatsisaata allanngortinneqarneranik Inatsisartut inatsisaat.
IA, Demokraatit aamma Kattusseqatigiit Partiiat akuersillutik taasisut, Siumut Atassullu akerliullutik taasipput.
Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaat.
IA, Demokraatit aamma Kattusseqatigiit Partiiat akuersillutik taasisut, Siumut Atassullu akerliullutik taasipput.
Nukissiornermi ikummatissat avatangiisinut akitsuutaat pillugu Inatsisartut inatsisaat
IA, Demokraatit aamma Kattusseqatigiit Partiiat akuersillutik taasisut, Siumut Atassullu akerliullutik taasipput.
Peqqinnissaqarfiup aqunneqarnera, aaqqissuussaanera kiisalu peqqinnissamut tunngasutigut sullissisut aamma tarnip pissusaanik ilisimasallit pillugit Inatsisartut inatsisaat.
Inatsisartunut ilaasortat najuuttut tamarmik akuersillutik taasipput.
Nalunaarummik allannguineq, Qilalukkanik qernertanik Nunatta qeqqani kujataanilu pisassiisoqarsinnaalersillugu.
Inatsisartunut ilaasortat najuuttut tamarmik akuersillutik taasipput.
Inuusuttut nunanut allanut oqaatsinik ilinniariarlutik aallartartut amerlanerulernissaat anguniarlugu, Naalakkersuisut suliamik aallartitsinissamik peqquneqarnissaannik, Inatsisartut aalajangiinerat.
Inatsisartunut ilaasortat najuuttut tamarmik akuersillutik taasipput.
Suiaassuseqatiminnik atoqateqartartut oqaluffimmi katissinnaanngornissaat sulissutigeqqullugu, Naalakkersuisut peqquneqarnissaannik Inatsisartut aalajangiinerat.
Inatsisartunut ilaasortat najuuttut tamarmik akuersillutik taasipput.
Suiaassuseqatiminnik atoqateqartartut allatulli meeravissiartaarsinnaalernissaat siunertaralugu appariittut nalunaarsorneqartarneq pillugu inatsisip allanngortinnissaanik sulissuteqaqqullugit, Naalakkersuisut peqquneqarnissaannik Inatsisartut aalajangiinerat.
Inatsisartunut ilaasortat najuuttut tamarmik akuersillutik taasipput.
Naalagaaffiit Peqatigiit sulisuisa inuillu Naalagaaffiit Peqatigiinnut attaveqartut isumannaatsuunissaat pillugu nunat tamalaat isumaqatigiissutaannut nammineq tapiliussinnaasamik Danmarkip atuuttussanngortitsineranut Namminersorlutik Oqartussat isumaqataallutik nalunaaruteqarnissaannut aalajangiiffigisassatut siunnersuut.
Inatsisartunut ilaasortat najuuttut tamarmik akuersillutik taasipput.
Aningaasanoorutit ilaat pillugit Kalaallit Nunaannut inatsimmut tunngatillugu Namminersorlutik Oqartussat oqaaseqaatissaat pillugu Inatsisartut aalajangiinerat.
Inatsisartunut ilaasortat najuuttut tamarmik akuersillutik taasipput.
Meeqqat atuarfiini atuartunut angerlarsimaffiit atuartunullu inissiat pitsaassusissaasa minnerpaaffilerneqarnissaat siunertaralugu Naalakkersuisut suliniuteqaqqullugit Inatsisartut aalajangiinerat.
Inatsisartunut ilaasortat najuuttut tamarmik akuersillutik taasipput.
Kommunit aqunneqarnerat pillugu Inatsisartut inatsisaat.
Inatsisartunut ilaasortat najuuttut tamarmik akuersillutik taasipput.
Suliffeqarfinni tamani pilerisaarutit taamatuttaaq atuisunut allakkat suulluunniit nassiunneqartartut pinngitsooratik aamma kalaallisut allagartaqartalernissaat pillugit Naalakkersuisut siunnersuuteqaqqullugit peqquneqarnissaannik, Inatsisartut aalajangiinerat.
Inatsisartunut ilaasortat najuuttut tamarmik akuersillutik taasipput.
Tunup allatut pilersorneqarsinnaaneranut periarfissanik Naalakkersuisut misissuisitsinissaannik siunnersuut.
Inatsisartunut ilaasortat najuuttut tamarmik akuersillutik taasipput.
Siunnersuutit marluk tunuartinneqarput.
nanoq.gl annerusumik misissuiffigfisinaavat.
