Inatsisinut tunngaviusunut missingersuut tunuarteqquaat
Inatsisinut tunngaviusunut missingersuut akuersissutigineqassaguni naalagaaffeqatigiinnermit aniniarnermi alloriarnerussasoq siulleq, ministeriuneq Lars Løkke Rasmussen Folketingimi ippassaq suliassaq taanna pillugu isumasioqatigiinnermi oqarpoq.
Oqallinneq aallartippoq pissutigalugu Savalimmiuni Lagtingimi naalakkersuinikkut amerlanerussuteqarluartut inatsisinut tunngaviusunut missingersuut isumaqatigiissutigimmassuk, tassanilu erseqqissarneqarmat "pissaaneq tamarmi Savalimmiut innuttaaniissasoq".
Danmarkip inatsisai tunngaviusut, Kunngikkormiut Eqqartuussiviilluunniit Qullersaat missingersuummi taaneqarsimanngillat, tamannalu Danmarkimi inatsisinut akerliussasoq inatsisinik atortitsinermut ministereqarfik isumaqarluni.
Tamanna tunngavigalugu siunnersuut tunuartinneqassasoq Løkkep maanna naatsorsuutigaa, oqarlunilu Savalimmiuni naalakkersuisut siulittaasuata Kaj Leo Johannesenip issaq Skagenimi naalagaaffeqatigiinneq pillugu ataatsimiinnermi siunnersuut maanna tunuartinneqarumaartoq uppernarsarmagu.
Tamanna Savalimmiuni folketingimut lagtingimullu ilaasortap Høgni Hoydalip Republikanerineersup uggoraa, isumaqarlunilu ministeriunerup taamaaliornermigut savalimmiormiut inatsisinut tunngaviusunut missingersuusiaat aseroraa.
