Inatsisinik unioqqutitsisut ikileriarput

Siorna pineqaatissinneqartut 2008-mut sanilliullugit ikileriarput, taamatuttaaq ukiunut qulikkaanut kingullernut sanilliullugit annikinnerpaaffissaminniillutik.

2009-mi eqqartuunneqartut 1744-pput, 2000-mit 400-nik ikinnerullutik. 2008-milu eqqartuunneqartunit 300-ngajannik ikinnerullutik.

2009-milu pinngitsaaliinerit ukiup siulianit sisamararterummik ikinnerupput, ukiunilu qulikkaani ikinnerpaallutik. Pinngitsaaliisimasutut eqqartuussat 36-nut ikileriarput, ukiut siuliini 50-it 70-illu akornanniillutik.

Taamatuttaaq kannguttaatsuliornerit 2009-mi appariarlutik.

Akerlinganilli nakuusernerit amerleriarput. 2009-mi nakuusersimasutut eqqartuunneqarput 509-upput, ukiunilu qulikkaani eqqartuunneqarsimasut amerlanerpaasa tulleralugit.

Inuarnerit aqqanillit 2009-mi eqqartuussissutigineqarput. Kisitsisit 2002-mit aatsaat taama amerlatigipput.

Pinerluuteqarsimasunik kisitsisit ilorraap tungaanut ingerlanerat pisuussutinik pinerluutit apparsimanerisa takutippaat. Pisuussutinik pinerluutitut taaneqartarput tillinniarnerit, aserorterinerit peqquserlunnerillu.

Ikiaroornartut pillugit eqqartuussinerit ikileriarsimapput, ukiunilu qulikkaani kingullerni ikinnerpaallutik.