Inatsisinik unioqqutitsillutik sulisut ikiliartorput

apriilip 06-at 2006 05:51

Danmarkimi inatsisit unioqqutillugit nalunaarsugaanngitsumik akileraarutaanngitsumillu sulisitsisarneq ukiuni sisamani kingullerni annikilliartuaarsimavoq, akunninngorlugu naatsorsoraanni akunnernik 54 millioninik sivikinnerulersimalluni.

Inatsisit unioqqutillugit akileraarutaanngitsumillu sulisitsisarnerit 46 milliardi koruuninik naleqartut, Danmarkimi inuussutissarsiornermik ilisimatusaatigalugu misissuisarfiup Rockwool-ip misissuinera, danskit 1000-it peqataaffigisaat taama inerneqarpoq.

Akileraartarnermut ministeriaqarfiup nakkutilliinerulernera minnerunngitsumillu nalunaarsugaanngitsumik akileraarutaanngitsumillu sulisitsisarnerit nungusarniarlugit naalakkersuisut suliniarsimanerat kinguneqarluarsimasut, akileraartarnermut ministeri Kristian Jensen oqarpoq.

Misissuinerup soorlu ersersippaa inuusuttuni 18-init 19-inillu akornanni ukiullit marluugaangata aappaa nalunaarsugaanngitsumik akissarsiaqarluni suliffeqartoq.