Inatsisarut ippassat ataatsimiittarfimmi paarlakaajaallutik inuit qulit sinnernaveersaarlutik inatsit nukingisaarutaasoq aalajangiiffigaat. Nunatsinnili angallassinnaaneq killeqarmat inatsisartunut ilaasortat 13-it sinniisullu pingasut taaseqataapput. Inatsimmik allannguisoqassatillugu minnerpaamik 16-it taaseqataasussaapput.Assi: Pele Broberg

Inatsisartut upernaakkut ataatsimiissanngitsut

Coronavirusip ilungersunartorsiortitsinera peqqutaalluni inatsinsartut upernaakkut ataatsimiinnissartik taamaatippaat. Ataatsimiinnissamut nukissaqartoqanngitsoq, Naalakkersuisut siulittaasuat, Kim Kielsen oqarpoq.

Ukioq manna Inatsisartuni upernaakkut ataatsimiittoqassanngilaq.

Naalakkersuisut siulittaasuat, Kim Kielsen (S), ippassaq taama oqarpoq. 

- Oqarsinnaavunga Inatsisartut upernaaq manna ataatsimiissanngillat. Maannakkut ilisimanngilarput nualluut qanoq ineriartussanersoq, taamaammat partiit siuttui tamarmik isumaqatigiillutik, Inatsisartut siulittaasoqarfiannut allagaqarput kissaatigalugu upernaaq manna ataatsimiinnissaq ukiamut nuunneqassasoq, Kim Kielsen oqarpoq. 

Kalaallit Nunaanni coronavirusimik tunillatsissimasut katillugit quliupput - tamarmillu Nuummi najugaqarlutik. Naak Danmarkimiit Savalimmiuniillu tunillatsissimasunut sanilliullugu ikinnerungaaraluartut, sukannersumik naalakkersuisoqarpoq:

Nunatsinniit nunattalu iluani timmisartuussinerit ilaasoqanngillat. Nuummi inuit annerpaamik qulit katerisimaarsinnaapput, taakku saniatigut ilinniartfiit, paaqqinnittarfiit atuarfiillu matoqqatuneqarput. 

AAMMA ATUARUK Oqartussat pinngitsaaliissummik katsorsaasinnaalersut

Nunattalu sinnerani atuarfiit aamma matoqqallutik. 

Namminersorlutik Oqartussani sulisut amigaatigineqarneri peqqutaalluni ataatsimiinnissamut nukissaqartoqanngitsoq Kim Kielsen oqarpoq.

- Naalakkersuisoqarfik tamaat qiviassagutsigut, maannakkorpiaq sulisorpassuit amigaatigineqarput, taanna oqarpoq.

Taamaammallu ataatsimiinnissaq aatsaat ukiaru septembarip 25-ani pissaaq.

Inatsisissatut siunnersuutit kiisalu aalajangiiffigineqartussatut siunnersuutit aggustip 21-anni tunniunneqarsimanissaat ulluliunneqarpoq.

Inatsisartulli siulittaasuat, Vivian Motzfeldt suliamut oqaaseqarusunngilaq.

AAMMA ATUARUK Tvangsbehandling og forbud: Det skal Inatsisartut stemme om

Inatsisartut immikkut ittumik ippassaq ataatsimiipput. Ullormullu oqaluuserisassatut qulequttat marluk eqqartorneqarlutik: Tassalu upernaakkut ataatsiminnissap ullulerneqarnissaa, kiisalu inatsit nukingisaarutaasoq aalajangiunneqarluni.

Inatsimmi nukingisaarutaasumi ilaatigut inuit napparsimasut napparsimanissaanillu pasitsaanneqartut, pinnngitsaalisamik misissortittalernissaat, unitsinneqarlutillu katsorsarneqartalernissaat aalajangiunneqarpoq.

Inatsip aamma katerinnerit inerteqqutaasinnaalersippai, tassa imaappoq katersuunnerit tunillaassortoqarfiusinnaasut politiinit unitsinneqarsinnaalerput. Politiit tamatumunnga atatillugu ininut eqqartuussiviup akuersissuteqarfiginngisaannut inersinnaalerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat