Inatsisartut Unnuk kulturisiorfimmi qaaqqusipput

Qaaqqusissummi allassimavoq ilaqutariit meerartallit eqqarsaatigalugit matut unnuk kulturisiorfimmi ammajaarneqarniartut.

Inatsisartuni paasissutissiinermut tusagassiortullu katersuuttarfittaavat allanngortiterneqassaaq, meeqqat inersimasullu nalorsitsaarinermi tassani unammisinneqassallutik. Nalorsitsaarisussap neriorsuutigaa ajugaasunut eqqugassaqarluarumaartoq.

Pilersaarutilli aamma allanik ilaqarput. Inatsisartut ataatsimiittarfiat takornariarneqarsinnaassaaq, tassani oqaluttarfimmut qaqisoqarsinnaassaaq. Inatsisartunut ilaasortat issiaviini ingittoqarsinnaassaaq, kiisalu Josef Motzfeldtip allaffiani Nersornaatit kuulti sølvilu takuneqarsinnaassallutik.

Kalaallit kaageqassaaq, kaffi tiilu, meeqqallu aamma pissaqartinneqassallutik. Inatsisartuni aaqqissuinermi meerartaqarnissaa pissutaalluni oqallittoqarnavianngilaq.