Inatsisartut unikkallalerput

oktobarip 28-at 2004 21:32

Inatsisartut ukiaanerani ataatsimiinerat oktoberip 29-iani unitsikkallarneqariarluni, novemberip arfineq pingajuani nangeqqinneqartussanngorpoq.

Nunat avannarliit siunnersuisoqatigiivisa Stockholm-imi ataatsimiinissaanut peqataatitassat arlaqarneri, ukiullu tullianut aningaasanut inatsisissap suliarneqarnerani, aningaasaqarnermut ataatsimiitsitaliap eqqissilluni sulinissaa unitsitsigallarnissamut pissutaasut, inatsisartut siulittaasoqarfiani siulittaasumut tulliusoq Aqqaluk Lynge (IA) oqarpoq.

-Ileqquusarpoq Nordisk rådip ataatsimiinerata nalaani taamatut unillatsiartarneq. Pissutaaneruvoq nunat avannarliit killiit siulittaasoqarfiani inatsisartut siulittaasuat aamma ilaasortaagami. Inatsiartunilu ilaasortat Kuupik Kleist aamma Kalistat Lund Nunat avannarliit siunnersuisoqatigiivini ilaasortaallutik, Aqqaluk Lynge oqarpoq.

Ataatsimiinermik unitsitsigallarnissamut aamma peqqutaaqataavoq aapaagumut aningaasanut inatsisissaq suliassartarpassuaqarmat, inatsisartunilu aningaasaqarnermut ataatsimitsitaliaq eqqissilluni suliaqarsinnaaqqullugu taamatut aamma periarfissaliisoqarluni.

-Imaanngilaq inatsisartuni sulineq tamavimmi unissasoq, ilaasortat ikittunnguit angerlalaasapput, ataatsimiitsitalianilu assigiingitsuni suliat ingerlaanassallutik, inatsisartut siulittaasoqarfiani siulittaaup tullia siulleq Aqqaluk Lynge(IA) oqarpoq.