Inatsisartut ullumi oqaluuserisassaasa ilaat

Inatsisartut ullumi aqqaneq aappassaannik ataatsimiinnissaanni oqaluuserisassanut ilaavoq Inatsisartut Naalakkersuisullu pillugit inatsisissatut siunnersuummik suliarinninnermi suleqatigiissitap nassuiaataa, taanna Naalakkersuisut siulittaasuata Hans Enoksen-ip saqqummiutissavaa.

Naalakkersuisut siulittaasuat nassuiaammik allamik ullup ilaani aamma saqqummiussaqassaaq, tassa nunatsinni uuliamik gassimillu misissueqqissaarnerup qalluinerullu atorluaanerullu inuiaqatigiinnut attuumassutai pillugit nassuiaammik saqqummiussissalluni.

Ullumi aamma oqaluuserineqassaaq Inatsisartuni ilaasortap Siumumeersup Simon Olsen-ip akileraartarnikkut aaqqissuusseqqinnissamik siunnersuutaa. Simon Olsen-ip siunnersuutaa ilaatigut imaqarpoq saniatigut isertitat pingaarnertut sulisitsisumit aalalajangersimasunik isertitanit appasinnerusumik akileraaruserneqartalernissaannik.

Ullumi oqaluuserisssani kingullertut Siumumeersup Per Rosing Petersen-ip siorna ukiakkut ataatsimiinnermi oqaluuserisassatut siunnersuutaa upernaaq mannamut nuutaq oqaluuserineqassaaq.

Tassa Per Rosing Petersen-ip nunatsinni tusagassiornikkut pissuserissuunissamik ileqqorinnissamillu ineriartortitsisoqarnissaa pillugu oqallisissiatut siunnersuutaa, qallunaat oqaasii atorlugit tusagassiornerup killilersimaarneqarnissaanik imaqartoq aamma oqaluuserineqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat