Inatsisartut ukiaanerani ataatsimiinnissaat qallisoq

Tassalu tallimanngornermi septembarip 16-iani nal. 11.00, novembarillu 18-iani naammassineqartussatut pilersaarutigineqarluni. Inatsisartut siulittaasuat, Lars-Emil Johansen, ullumi taama nalunaaruteqarpoq.

Inatsisartuni ilaasortat oqaluuserisassanngortitaat katillugit 54-it Naalakkersuisullu oqaluuserisassanngortitaat 28-it suliarineqassapput.

Sapaatit-akunneranut ulluni tallimani nal. 10.00-imit 14.00-imut ataatsimiittoqartassaaq.

Tamatuma saniatigut sapaatit-akunnerannut ataasiartumik nal. 10-mit 11-mut akunnermi ataatsimi apeqqarissaartoqartassaaq, kingornalu ataatsimiinneq nal. 14.00-ip tungaanut Inatsisartut ataatsimiittarfianni ingerlanneqartassalluni. Akunneq apeqqarissaarfiusoq siulleq septembarip 21-ani pissaaq.

Aamma sapaatit-akunneranni 44-mi, tassalu novembarimi sapaatit-akunneranni siullermi, ataatsimiiffiunngitsunik ulloqassaaq, Nunani Avannarlerni Siunnersuisoqatigiit Københavnimi sapaatit-akunneranni tassani ataatsimiissammata.