Inatsisartut siulittaasuat: Ajunaarnersuaqarnissamut sillimaniarneq pitsanngorsartariaqarpoq

Inatsisartut siulittaasuat, Jonathan Motzfeldt takornariartaatit arlalinnik tusindilinnik ilaasoqartartut imartatsinni suliluunniit ikkarluit ilaasa sumiiffii qanorlu ititigisumiinnerannik nalunaarsorneqanngitsuni angallattarnerat pillugu oqallinnermut ilannguppoq.
decembarip 28-at 2007 16:58

Inatsisartunut ilaasortap, Marie Fleischerip, apeqquteqarnerata kingorna oqallinneq aallartippoq. Kalaallit Nunaanni ajunaarnersuaqartillugu sillimaniarneq naammappa?

Jonathan Motzfeldt oqarpoq, oqallisigisaq ukiaanerani inatsisartuni Nunanilu Avannarlerni Killerni siunnersuisoqatigiit akornanni oqallisaasimasoq.

”Sillimaniarneq pineqartoq Kalaallit Nunaanni annaassiniarnissamut suliaqartut naalagaaffiullu ataani annaassiniarnernik suliaqartut akisussaasuusut Jonathan Motzfeldt oqarpoq, nangillunilu, Nunatsinni Naalakkersuisut Naalagaaffiullu sillimaniarneq pillugu atorfilittaasa pineqartoq pillugu suleqatigiinnertik annertusartariaqaraat.

”Nunatta imartaani ajunaarnersuaqassagaluarpat inuppassuit inuunerannik akeqaannarani Kalaallit Nunaannili takornariaqarnermut sunniuteqapiluttussaavoq.

Taamaammat Naalakkersuisut sillimaniarnermut tunngasut qulaajartariaqarpaat, ajunaarnersuaqassagaluarpallu aningaasartuutissat atortussallu qulakkeerniarlugit, Jonathan Motzfeldt oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq