Inatsisartut siulittaasoqarfiat isumassarsioqatigiisitsivoq

Kikkulluunniit oqartussaaqataanerannik paasinnittaaseq tunngavigalugu Kalaallit Nunaanni kikkulluunniit oqartussaaqataaneranni suliaqarfinnik pingaarnerusunik aqutsineq aaqqissuussinerlu pillugit inatsisartut siulittaasoqarfiat isumassarsioqatigiisitsivoq. Siulittaasoqarfiup ilanngullugu kissaatigaa Kalaallit Nunaanni naalakkersuinermut tunngatillugu suleqatigeeriaatsit oqalliseriaatsillu ammasumik anguniagaqarfiusumillu oqallisigitinneqassasut.

Peqataasunut ilaavoq ministeriusimallunilu Folketingimut siulittaasuusimasoq, dr. Polit. Erling Olsen. Taassuma oqalugiaatigissavai ikinnerussutillit illersugaanerat kiisalu naalagaaffinngortuni tunngaviusumik inatsimmik pilersitsisarneq. Sociologip kalaallip Maliina Abelsenip saqqummiutissavaa ”demokrati pisariukujuttoq”. Saqqummiunneqartussat allat qulequtaraat ”pisortaqarfiit tamanit nakkutigineqarnerat” – ”Inuiaqatigiit ineriartornerat qanoq nakkutigineqartarpa” naggasiisoqannginneranilu filosof Mininnguaq Kleist oqalugiassaaq qulequtaralugu ”Sumunngalerpugut ?” Namminersorneq – naalagaaffeqatigiinneq kaanngarnerlu”.

Isumassarsioqatigiinneq Nuummi neriniartarfik ”Værftimi” ingerlanneqarpoq.