Inatsisartut Siulittaasoqarfiat inuttalersorneqarpoq

Fontain siulittaasup tulliatut siullertut toqqarneqarpoq. Ileqqorineqarpoq siulittaasup tullissaanik sisamanik toqqaasoqartarnera, ileqqorineqartorlunimi soorunami malinneqarpoq, siulittaasup tulliata aappaatut Kim Kielsen Siumumeersoq toqqarneqarpoq, Ane Hansen IA-meersoq siulittaasup tulliata pingajuattut toqqarneqarluni siulittaasullu tulliata sisamaatut Finn Karlsen Siumumeersoq toqqarneqarluni.

Inatsisartunut qinigaarlaat arfininngormat isumasioqatigiissinneqarput, Inatsisartunilu inissitsiteriffiusumik ataatsimiinnerat aappaat ataasinngormat ingerlanneqassalluni. Tassani ombudsmandimik toqqaasoqassaaq aammalu inatsisit malillugit pisussaaffittut ataatsimiititaliat ataatsimiititaliallu ataavartut toqqarneqassallutik. Aammattaaq Inatsisartut siunnersuisooqqatigiinnut ataatsimiititalianullu ilaasortaatitassaat toqqarneqassapput.