Inatsisartut siulittaasoqarfiat amerlasuunit isornartorsiorneqartoq

Suleqatigiissitsisunit Inatsisartunut ilaasortap, Tillie Martinussenip Inatsisartuni siulittaasoqarfik sapaatip akunnerani matumani marloriarluni maalaarutigaa. Maalaarutaata aappaa itigartitsissutigineqareerpoq.

Inatsisartuni ilaasortap, Suleqatigiissitsisuneersup, Tillie Martinussenip tamat oqartussaaqataanerat ataatsimiittarfimmi atugarissaanngitsoq, sapaatip akunnerani qaangiuttumi, marloriarluni misigisimavaa.

- Ullormut oqaluuserisassanit immikkoortumik ullumikkut peersisarneq uissuummissutigingaatsiarpara. Tamanna ajunnginngilaq, Tillie Martinussen oqarpoq.

Taanna siulittaasoqarfimmut novembarip 18-ianni marlunnik maalaaruteqarpoq. Maalaarutaata aappaani oqaaseqartartutut oqaaseqarnermini unitsinneqarneranut tunngavoq, aappaalu ullormut oqaluuserisassap kalerriutigineqaqqaarani peerneqarsimaneranut tunngalluni.

Tuaviortumik isumaginnittoq

Maalaarutit ullaakkut arfinernut nassiunneqarput, akissullu siulleq ullormi tassani qulinut akissuteqarfigineqarluni. Inatsisartunut siulittaasup, Vivian Motzfeldtip akissuteqarnermini suleriaatsimi immikkoortuni ataatsimiititsisup pisinnaatitaanera ilaasortallu ”ataatsimiititsisup eqqissisimasumik torersumillu eqqortitsinissamut aalajangiineranik tamanik naammagalugu atortuisussaasut” nalunaajaatigaa.

Tillie Martinussenip maalaarutigisaa siulittaasoqarfiup akissuteqarfiginngilaa.

Pisoq, Tillie Martinussenip unitsinneqarnera qassiiusunit mamiatsaatigineqarpoq.

Tillie der bliver afbrudt i salen

Tillie Martinussenip marloriarluni unitsitaanerani immiussaq takuuk. Videomik uuminnga takutitsinissatsinnut Inatsisartunit akuerisaavugut.

 

- Nunatsinni oqaaseqartarfimmit akimanerpaamit isornartorsiuisoqarsinnaannginnera kileqanngitsumillu oqaluttoqaqqusaannginnera tamat oqartussaataanerannut innarliineruvoq, Muté Bourup Egede (IA) pisoq taanna pillugu oqarpoq.

Taanna Pele Brobergimit (PN) taperserneqarpoq.

- Tamat oqartussaaqataaneranni unammillernartitaqartugut illuatungiliuttunit isumaqarpugut, Pele Broberg oqarpoq.

Naalakkersuisooqatigiit aningaasaqarnikkut pingaarnersiuinerannut isornartorsiuisoq

Inatsisartuni siulittaasup, Vivian Motzfeldtip unitsitsinermi Tillie Martinussenip immikkoortumut oqallisigineqartumut – tassa aningaasanut inatsisip akuerineqarnissaata kinguartinneqarnissaanut tunngasumut samminninngiinnanngitsoq tunngavilersuutigaa. Tamannalu siulittaasup oqarnera naapertorlugu suleriaatsimut unioqqutitsineruvoq. Tamannali illuatungiliuttut isumaqatiginngilaat.

- Matumani Tilliep oqaluuserisaa allat oqaluuserisaannut sanilliukkaani qanoq allanerunersoq tusaasinnanngilara, Pele Broberg oqarpoq.

AAMMA ATUARUK Tunngaviusumik inatsit qaqugu taasissutigineqassanersoq Inatsisartut aalajangissavaat

Tillie Martinussenip nammineerluni malersuinerusoraa siulittaasullu isornartorsiuineq tusaarusunngikkaa isumaqarluni.

- Oqalussinnaatitaaffimmi inatsisinit tunngaviusunit illersukkami oqalunnermi sanngiinnepaat inuuniarnermikkullu ajornartorsiuteqartut sinnerlugit aningaasanut inatsimmi pingaarnersiuinerit isornartorsiorneranni unitsinneqaannartoqarsinnaanngilaq. Tupinnaqaaq, Inatsisartuni taama pisoqarnikuuneranik tusarnikuunngisaannarpunga.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat