Inatsisartut nalunaarusiaat saqqummerpoq

Taamaattorli naqiterivimmi kukkusoqarsimanera pissutigalugu  nittartakkakkuinnaagallartoq saqqummiunneqarpoq, naqitaq sapaatip-akunneranik ataatsimik kinguaattoormat.

Siulittaasup ukiup ingerlanerani ingerlatai ilaatigut eqqartorneqarput, siulittaasoqarfiullu ingerlatai siusinnerusumut sanilliullugu sukumiinerusumik paasissutissiissutigineqarlutik.

Inatsisartut suleriaasiat nutaaq, ataatsimiittarfiit tusagassiisarfiullu allanngortiterneqarneri, kiisalu atortut elektroniskiusut arlallit, Inatsisartut atugaannik pitsaanerulersitseqataasussat, atorneqalernerat nalunaarusiami ilaatigut nassuiaatigineqarput.

Siulittaasoqarfiup aningaasat sumut atorsimanerai, aamma atuarneqarsinnaapput aamma paragraf 36, 37-lu atorlugit apeqquteqaatit ukiut pingasut kingulliit ingerlaneranni qassiunersut ilanngullugit takuneqarsinnaallutik.

Ukiumoortumik nalunaarusiaq elektroniskinngorlugu pdf-filitut inatsisartut.gl-ikkut aaneqarsinnaavoq.

http://www.inatsisartut.gl/nyhedsarkiv/2011/04/20110429-aarsberetning-2010.aspx?focuslink=8866

Allakkiaq uani atuarneqarsinnaavoq:

http://www.inatsisartut.gl/media/8864/2010%20Aarsberetning%20for%20Inatsisartut%20KAL.pdf