Inatsisartut kattussuunnermut aningaasaliinikipput
Kommuunit jaanuaarip aallaqqaataani kattussuuppata kommuninut 43 millioner koruuninik akeqartussatut Ikaarsaariarnermi ataatsimiititaliat sisamaasut missingersuusiornerisa takutippaat.
Allattoq Oline I. Olsen
juulip 18-at 2008 05:40
Inatsisartut kommunit kattussuunnissaannut 8 millioner koruuninik tapiissuteqarput, aningaasaliissutit politikerit ataatsimiinnerni ataatsimiinnermusiassaannut sulisullu akissarsiassaannut atorneqartussaapput.
Kommuunit kattussuunnerisa aningaasartuutaat siulliit maanna kommuniusut agguaqatigiillugit aningaasalersortariaqassagaat, kommuuninngortussani borgmesterinngortussat sisamaasut Naalakkersuisut siulittaasuat Hans Enoksen qanittumi ataatsimeeqatigereerlugu paasivaat.
Inatsisartut Naalakkersuisullu
Kommuunit kattussuunnissaannut sinaakkusersuinerisa kinguneri naapertuutinngitsut, borgmesterinngortussat sisamaasut Jess Svane, Hermann Berthelsen Asii Chemnitz Narup Simon Simonsen-ilu sermitsiami apersorneqarlutik oqarput.
