Inatsisartut Burmamiunut misiginneqataanerarlutik allagaqarput
Burmami naalakkersuisutut oqartussaasut sakkutuut illoqarfimmut isaatikkaat, innuttaasullu inuussutissatut isumalluutaannik sakkutuut aserorterisut tusagassiuutitigut nalunaarutigineqartut, nunatsinni naalakkersuisunit qisuariarfigineqarput.
Inatsisartut Burmamiunut misiginneqataallutik tallimanngormat oqaaseqaateqarnerat tunuliaqutigalugu naalakkersuisut siulittaasuata Hans Enoksenip Londonimi Burmamiut aallartitaqarfiannut allagaqarpoq.
Danmarkip naalagaaffeqatigiit sinnerlugit EU-kkoorlugu Burmami pisunut avoqqaarliinera allakkani taperserniarneqarpoq, nunat innuttaannut sakkutuujunngitsunut peqqarniitsuliortarneq nunatsinniit akerlerineqarluinnartoq naqissuserniarlugu.
- Kalaallit Nunaanni Naalakkersuisut sakkutuunut naalakkersuusunut sunniutilinnut oqartussaanertik atorlugu peqqarniisaarnerit atorneqannginnissaat pillugu pisortatut oqartussaasut sunnerniassagaat, Hans allakkamini naggasiivoq.
