Inatsisartut ataatsimiittarfittaassaat pillugu Asii internettikkut taasisitsilerpoq
![](/sites/default/files/styles/image_934x467/public/article_images/afstemning_parlament_nuuk_960_1.jpg?itok=0i5XmgdQ)
- Innuttaasut tusarniarneqarnissaat kissaatigaara.
- Taamaaliornikkut innuttaasut sunik kissaateqarnersut pillugit kommunalbestyrelsimut aqqutissiuussisoqarsinnaavoq, Asii Chemnitz Narup oqarpoq
Ataatsimiittarfissap inissisimaffissaa oqallisigineqangaatsiareerpoq Nuummilu innuttaasut 16-ileereersut aggustip 22-aniit 31-iata tungaanut internettikkut taasisinneqassapput, internetteqanngitsut eqqarsaatigalugit, Kommuneqarfiup Allaffiani Innuttaasunut Sullissivimmit taasisoqarsinnaavoq.
- Tamat oqartussaaqataanerisa ilisarnaataat sananeqassappat, soorunami kikkut tamarmik tusarniarneqartariaqarput, borgmester Asii Chemnitz Narup oqarpoq.
Kommunemi sulisut aamma utoqqaat illuinut, utoqqaat peqatigiiffiannut, ilinniarfeqarfinnut pisiniarfinnullu innuttaasut taasinissaannik ikiuukkiartorlutik orniguttassapput.