Inatsisartut ataatsimiittarfissaata inissisimaffissaanut akerliussutsimik takutitsisorpassuit
Inatsisartut allaffeqarfiata quppersagaliaa inatsisartut ataatsimiittarfiata Aqqaluup Aneersaarfiani sananeqarnissaanik imaqartoq illunut tamanut agguaanneqartoq isornartorsiorneqarpoq oqallisaaqalunilu. Inatsisartut ataatsimiittarfissaata Aqqaluup Aneerasaartarfiani sananeqarnissaanut akerliusut 1000-inik amerlanerusut arfininngormat akerliussutsimik takutitsipput.
AAMMA ATUARUK VIDEO Inatsisartut Ataatsimiittarfissaata inissisimaffissaanut akuersaartut akerliusullu
Akerliussutsimik takutitsisut allagartarsualerlutik kulturikkut illorsuarmit Katuamit Nuup illoqarfiatigut ingerlaariarlutik Aqqaluup aneerasaarfianukarput.
Qupersakkamik agguaasut
Nuummi najugaqartut allakkat nakkartitsiviannut quppersakkamik sisamanik quppernilimmi sapaammi nakkartitsisoqarpoq qulequtaqartumik "Aqqaluup aneerarsaartarfia erligisigu"
Aqqaluup Aneerasaarfianik erliginnittut Inatsisartut ataatsimiittarfissaanik 190 millioner krnik atorlugit sanasoqarnissaq akerleraat.
Akerliussutsimik takutitsisut taama amerlatiginerat tupaallaatigaa
Inatsisartut siulittaasuat Lars-Emil Johansen, aviisip Sermiaq.AG-ip allaaserisaa malillugu akerliussutsimik takutitsisut amerlanerannut tupaallappoq:
- Akerliussutsimik takutitsisut nalunaajaataat paasillugulu ataqqivara, Lars-Emil Johansen oqarpoq.
Inatsisartut ataatsimiittarfissaata sananeqarnissannut innutaasunik taasisitsineq tallimanngormat aallartippoq. Kommuneqarfik Sermersuup nittartagaani www.sermersooq.gl-imi taasisoqarsinnaavoq tallimanngornermi aggustip 31-ata tungaanut. Nuummi innuttaasut 16-nik ukioqalereersimasut taaseqataasinnaapput.
AAMMA ATUARUK Ilisimatusarfimmi pisortaq: Lars-Emil allatut iliorsinnaagaluarpoq
Innuttaasut qarasaasiakkut taasinissaminnut periarfissaqanngitsut kommuneqarfik Sermersuup Nuummi allaffeqarfiani innuttaasunut kiffartuussivimmi taasinissaminnut periarfissaqarput.
AAMMA ATUARUK Inatsisartoqarfik sakkortuumik isornartorsiorneqartoq
