Inatsisartut ataatsimiititaliaat USA-mi ilisimasassarsiorluni angalasoq

Ataatsimiititaliaq USA-mi ulluni pingasuni angalassaaq, ippassaq, ullumi aqagulu USA-mi angalassapput, Naalakkersuisullu Amerikamiut issittumut Kalaallit Nunaannullu taamatullu illersornissamut sillimaniarnermullu allaffeqarfiini assigiinngitsuni ingerlatsisuusut ataatsimeeqatigineqassasut tusagassiuutinut nalunaarummi ilaatigut allaaserineqarpoq.

Sakkutuut Timmisartortartut Colorado Springsimi Qullersaqarfiat, Pituffimmut akisussaasuusut, ilaatigut pulaarneqassapput.

USA-mut angalanerup illersornissamut sillimaniarnermullu tunngasuni paasisassarfigilluarneqarnissaa Nunanut Allanut tunngasunut naalakkersuisup Vittus Qujaukitsup qilanaaraa, illersornissamut sillimaniarnermullu tunngasut Inatsisartut ukiakkut ataatsimiinnissaannut atatillugu eqqartorneqarnissaannut misilittagaqarluarnissartik tikkuarlugu:

- Angalaneq unatut ittoq amerikamiut Kalaallit Nunaanni sakkutooqarfeqarnerannut tunngasunik paasinnilluarnissamut periarfissiilluarpoq, Vittus Qujaukitsoq oqarpoq.

Inatsisartut Illersornissamut Sillimaniarnermullu Ataatsimiititaliaata siulittaasuat Justus Hansen, Inatsisartunullu ilaasortat Vivian Motzfeldt, Sara Olsvig kiisalu Per Rosing-Petersen USA-mut aamma angalaqataapput.