Inatsisartut ataatsimiinnissaat piariilerpoq
Inatsisartut ukiaanerani ataatsimiinnissaannut periaarsarnerit naammasseqqajaalerput.
Inatsisartuni naalakkersuisunilu ilaasortat oqaluuserisassatut siunnersuutiminnik kingullermik tallimanngornermat augustip ulluisa aqqaneq’aappaanni tunniussereersimasussaapput.
Inatsisartut ukiaanerani ataatsimiinnisssaat septemberip 16-iani aallartissaaq, tassa qaammat ataaseq qaangiuppat.
Inatsisissat, peqqussutissat, aalajangiussassat, apeqquteqaatit, naalakkersuisunullu apeqquteqaatit katillutik 132-it, qinikkanit oqaluuserineqassapput.
Oqaluuserisassat 40-it upernaaq ataatsimiinnermi angumerinngitsuukkat ukiakkut katersuunnermi eqqartugassanut ilaassapput.
Siunnersuutit amerlanerit inatsisartuni ilaasortanit siunnersuutaapput.
Siunnersuutit 22-it naalakkersuisut saqqummiutissavaat. Taakku akornanniippoq 2006-imut Aningaasanut inatsisissatut siunnersuut.