Inatsisartut ataatsimiinnissaat kinguaallatsinneqarpoq

aggustip 29-at 2005 16:27

Inatsisartut ukiaanerani ataatsimiinnissaat sapaatip akunneranik kinguartinneqarpoq septembarip 23-ianni aallartittussanngorlugu. Kinguartitsinermut aningaasanut naalakkersuisup Josef Motzfeldtip Tartupaluk pillugu Canadamiunik New Yorkimi isumaqatigiinniaqateqarnissaa peqqutaasoq, Inatsisartut siulittaasuat Jonathan Motzfeldt oqarpoq:

-Naalakkeersuisut siulittaasuata saaffiginnissutaa peqqutaavoq. Tassani pineqarpoq nunanut allanut naalakkersuisup Hans Ø (Tartupaluk) pillugu New Yorkimi isumaqatiginninniarnissaa. Tamanna pillugu tallimanngornermi aallartikkutta ataasinngornermilu ammaanersiorluni oqallinneq aallartippat tamatta peqataaniassagatta pitsaanerutipparput.

Ataatsimiinnissap sapak. Ataatsimik kinguartinneqarneratigut ataatsimiinneq sivitsussasoq Jonathan Motzfeldt oqarpoq. Taamaattorli novembarip 15-iutinnagu naammassereersimanissaa naatsorsuutiginerarpaa taamaalinnginnerani aningaasaqarnermut inatsisissaq akuersissutigineqareersimasussaammat.

- Tassa inatsisissaq 15.novembar tikkitsinnagu inatsisissaq akuerineqarpat taava kommunit aappagumut aningaasartuutinik pilersaarusiornerminni ilisimalerniassammassuk qitiusumiit aningaasaliiniarnerit qanoq ittuuneri, Jonathan Motzfeldt nassuiaavoq.