Inatsisartut ataatsimiinnerat ulloq kingulleq

Oqaluuserissassat 28-it aappassaaneerneqartussat pingajussaaneerneqartussallu ullumi ataatsimiinnermi oqaluuserineqassapput. Kalaallit nunaanni tusagassiuuteqarneq pillugu inatsisissaq, ilinniarnertuutut ilinniarfimmi inatsisissatut siunnersuut ataatsimiinnermi oqaluuserineqassapput, minnerunngitsumillu aningaasanut inatsisissatut siunnersuut kingullerpaajullugu aalajangiiffigineqassaaq.

Apeqquteqaatit pingasut oqallisissiatut saqqummiunneqassaapput. Meeqqat atuarfiini ilinniartitsisussaaleqineq apeqquteqaatitut saqqummiunneqassaaq, Kattusseqatigiinneersumit Anthon Frederiksenimit. Kommunit kattussuunneqarnerisa kingorna isumaginninnikkut kiffartuussinermi pitsaassutsip qafasissutserserlu pillugit apeqquteqaat aallaavigalugu oqallisissiaq Asii Chemnitz Narupimit IA-meersumit saqqummiunneqassaaq.

Inuussutissarsiutitigut ineriartornerup aningaasatigut tapiissuteqartarnerisa kommuninit periarfissaqarnerulernissaa Siumup inatsisartuini ilaasortanit apeqqutigineqassaaq.