Inatsisartut ukiuunerani ataatsimiinnerat ullumi naggaserneqassaaq.
Ataatsimiinnissami kingullermi immikkoortut aqqanillit taasissutigineqassapput, tallimat aappassaanik taasissutigineqassallutik, arfinillillu pingajussaaneerneqassallutik.
Pingaarnertut kingullertullu taasissutigineqassaaq ukioq manna 2006-mut Aningaasanut Inatsisissatut siunnersuut.
Aningaasanut Inatsisissaq ukioq mannamoortoq 2005-imi ukiarmi siullermeerneqaqqaarami qinersinermik kinguneqarpoq.
Ukiuunerani ataatsimiinnermi Aningaasanut Inatsisissatut siunnersuutip aappassaaneerneqarnissaa ullunik sisamanik kinguartinneqarpoq, naalakkersuisuni ilaasortap Doris Jakobsen-ip Issittuni Nunallit Unammiuaarneranni Alaskami ingerlanneqartumut peqataanera peqqutigalugu.
Aningaasanut Inatsisissap siullermeerneqarnera aappassaaneerneqarneralu akuerineqarput, ukiullu aallartinneranit qaammatit sisamangajaat ingerlareersullu inatsissaq kiisami ualeru atuutilersinneqartussanngussaaq.
Inatsisartut upernaakkut ataatsimiinnissaat tallimanngornermi apriilip 21-anni aallartissaaq.