Inatsisartut ataatsimiinnerannik naliliineq
Uggornarpoq aningaasanut 2005-imut inatsisissaq illuatungiliuttut akerliuffigimmassuk, kisianni naalakkersuinermi amerlanerussuteqartut aalajangiisuujuaannarput, naalakkersuisut siulittaasuat, Hans Enoksen, inatsisissap ippassaq taasissutigineranut atatillugu naliliivoq. Hans Enoksen oqarpoq.
Naalakkersuisooqatigiit Inuit Ataqatigiit politikikkut oqaaseqartartuat, Kuupik Kleist, isumaqarpoq aporaaterujussuaqattaarnerit politikikkut annikitsuinnarmik pissuteqartut, kisiannili pissusilersuutitigut aporaaffiusut, tamannalu ajuusaarnartuusoq, taamaattorli
aningaasanut inatsisissaq annikitsualuit eqqarsaatigissanngikkaanni inimi sumorujussuaq isumaqatigiissutaavoq naalakkersuisooqatigiillu aalajangersimasumik anguniagaannut naleqqulluni.
Illuatungiliuttunit Atassummit politikikkut oqaaseqartartoq Jakob Sivertsen oqarpoq inatsisissamut akuersinnginnertik piffissaq kingullerpaaq atorlugu naalakkersuisooqatigiit allannguutissamik saqqummiussinerannik pissuteqartoq, kisianni tamanna Ataasutip suleriaqqinnissaanut uniffiussanngitsoq.
Taamaalilluni Atassut isumaqarpoq inatsisartunit isumaqataaffigineqaraluartup piffissaq kingullerpaaq atorlugu naalakkersuisooqatigiinnit atorunnaarsinneqarnera aalajangersariikkanik unioqqutitsinerusoq.
